SL RAJ

Thursday, April 6, 2017

Singam 3 (2017) with Sinhala Subtitles | යුක්තියේ සිංහයාගේ තෙවන දඩයම [සිංහල උපසිරසි සමඟ]

හැමෝටම ආයුබෝවන්…! අයියේ සිංගම් 3 ඉවරද ? අයියේ අද දෙනවද ? අයියේ ඇයි පරක්කු ? මේ දවල් වල මුහුණ පොතට එන මැසේජ් මෙන්න මෙව්වා තමයි. මුලින්ම සමාව ඉල්ලනවා හැමෝගෙන්ම මේ ෆිල්ම් එකේ ඔර්ජිනල් පිටපතක් එනවා කියලා තිබ්බේ අප්‍රේල් මුල් සතියේ නමුත් හදිස්සියේ පැමිණි නිසා කලින් සූදානම් නොවී සිටි නිසාත් මෙය ඔබ හට ගෙන ඒමට ප්‍රමාදවීම පිළිබඳ ඔබගෙන් සමාව අයැද සිටිනවා. කොහොම වුනත් දැන් ඔන්න අලුතෙන් උපසිරැසි වලට ඡන්දය දෙන්න පුළුවන්. ඒ නිසා ඡන්දය දීලා ඉහලින්ම තියෙන මෙන් ඉල්ලා සිටිනවා. නයි මල්ලී මමයි ඔන් ගෙනාවා සිංගම් 3.

ඔබ දමිල ක්‍රියාදාම චිත්‍රපට නැරඹීමට ප්‍රියකරන්නෙක්ද ? එසේනම්, 2010 වර්ෂයේදී නිකුත්වූ සිංහම් පළමු චිත්‍රපටය අනිවාර්යයෙන්ම නරඹන්න ඇති. පළමු සිංහම් චිත්‍රපටය නැරඹුවා නම්, අනිවාර්යයෙන්ම 2013 වර්ෂයේදී නිකුත්වූ සිංහම් දෙවැනි චිත්‍රපටයත් නරඹන්නට ඇති. දෙවැනි චිත්‍රපටයත් නැරඹුවා නම්, 2017 වර්ෂයේ පෙබරවාරි මස 9 වෙනිදා සිට, ලොව වටා තිරගතවීම ආරම්භ කල, සිංහයාගේ තුන්වෙනි දඩයම නොහොත් තෙවෙනි සිංහම් චිත්‍රපටය වෙනුවෙන්, ඔබ මෙතෙක් කාලයක් පුරාවටම නොඉවසිල්ලෙන් පසුවෙන්න ඇති. එසේනම්, මේතාක් කාලයක් පුරාවට, තෙවනි සිංහ දඩයම දැකගැනීමට පෙරුම් පුරමින් සිටි සියළුම ප්‍රේක්ෂක ජනතාවගේ සිතට අස්වැසිල්ලක් ගෙනදෙමින්, තෙවෙනි සිංහ දඩයම්ත් සමගින් එකතුවීමට ඔබ සැමට කෙරෙන්නාවූ සුහඳ ආරාධනාවයි මේ.

අවනීතිය රජයමින්, අසාධාරණත්වයේ හස්තයේ ග්‍රහණයෙන් මුළු මහත් සමාජයක්ම ඝනාන්ධකාරය වෙත රැගෙන යමින් පවතින්නාවූ කාල වකවානුවක, ධනයට, බලයට හිස පහත් නොකරමින්, දූෂිත පාලනයට එරෙහිව සිංහයෙකු මෙන් නිර්භීතව මුහුණ දී, එම සියලු දුෂ්ඨ බලවේගයන් සුනුවිසුණු කර දැමුවාවූ, සත්‍යගරුක පොලිස් නිලධාරියෙකුගේ තෙවැනි වික්‍රමය පාදක කොටගනිමින් නිර්මාණය වුනාවූ මෙම අපූරු සිනාමා නිර්මාණයෙහි, සුපුරුදු පරිදිම ප්‍රධාන රංගන දායකත්වය සපයනු ලබන්නේ, දකුණු ඉන්දීය සිනමාවේ සුපිරි තාරකාව යන අන්වර්ථ නාමයෙන් හඳුන්වන්නාවූ Suriya විසිනි. මේ වතාවේ ඊට අමතරව, Anushka Shetty සහ Shruti Haasan විසින් උප ප්‍රධාන චරිත සඳහා සිය රංගන දායකත්වය සපයනු ලබනවා. තිරගතවීම ආරම්භවූ දිනයේ පටන්ම, ලොව වටා සුවහසක් සිනමා ලෝලීන් විසින් උමතුවකින් මෙන් වැළඳ ගත්තාවූ, දොරේ සිංහම්ගේ වික්‍රමාන්විත චාරිකාව පදනම් කරගනිමින්, Imdb දර්ශකයේ 7.4 ක අගයකින් ඔපමට්ටම්වූ මෙම ක්‍රියාදාම චිත්‍රපටය, මේ වනවිටත් ඉන්දියානු රුපියල් බිලියන 1.1 ක බොක්ස් ඔෆිස් ආදායම් වාර්තාවකින් සවිබල ගැන්වී අවසානයි.

චිත්‍රපටය තුල සංගීත අධ්‍යක්ෂණය කරනු ලබන්නේ, Yennai Arindhaal (2015), Anegan (2015),Iru Mugan (2016) ආදී ජනප්‍රිය චිත්‍රපට රාශියක් සඳහා සංගීත අධ්‍යක්ෂණයෙන් දායකවූ Harris Jayaraj විසිනි. එමෙන්ම, චිත්‍රපටය අධ්‍යක්ෂණය කරනු ලබන්නේ, Singam (2010) සහ Singam 2(2013) යන චිත්‍රපට අධ්‍යක්ෂණය කරන ලද, Hari විසිනි.

චිත්‍රපටයේ කතාව ගැන කියනවා නම් විශේෂයක් නෑ ගුරුත්වාකර්ෂණ බලය අඩුම ප්‍රදේශය වන දකුණු ඉන්දියාවේ රෑගත කර ඇති නිසා එක් මිනිසෙකුට ගහපුවහම අඩි 20ක් 30ක් විතර උඩ ගිහින් බිම වැටෙනවා. දමිළ ක්‍රියාදාම චිත්‍රපටි ඉස්සර ඉඳන් නරඹපු අයට නම් මෙය විශේෂත්වයක් නෑ. නමුත් අලුතෙන් නරඹන අයට නම් මෙය විශේෂත්වයක් වේ. එසේනම්, වහා වහා සූදානම් වෙන්න. සිංහයා, සිය තුන්වන දඩයම ආරම්භ කළා. ඔහුත් සමගින් ඔහුගේ වීර චාරිකාවේ, පුරා හෝරා දෙක හමාරක් තුරාවට දඩයම් කිරීමට සූදානම් වන්න. සැබවින්ම මෙම සිංහ දඩයම, ඔබට නැවුම්වූ අත්දැකීමක් වනු නොඅනුමානයි.

එහෙනම්, අවසරයි හැමෝගෙන්ම. නැවතත් මෙවැනි වූ චිත්‍රපටයක් තුලින් හමුවන තුරාවට, හැමදෙනාටම ජයවේවා!!!

{මෙම උපසිරැසි මා විසින් බයිස්කොප් සිංහලෙන් අඩවියට පිරි නැමූ මාගේම උපසිරැසි වේ.}

Saturday, March 11, 2017

SL FACT SHOW | 10 FACT ABOUT SINGAM 3 [සිංහලෙන්ම]

8:10:00 PM

SL FACT SHOW | 10 FACT ABOUT BAIRAVA [සිංහලෙන්ම]

7:59:00 PM

Sunday, February 5, 2017

Bairavaa (2017) with Sinhala Subtitles | මගේ නරක පුරුද්ද කියපු වචනය රකින එක [සිංහල උපසිරසි සමඟ]

1:55:00 PM සිංහල උපසිරැසි,

හැමෝටම ආයුබෝවන්...! ඉතින් ටික කාලෙකට පස්සේ ආවා තවත් දකුණු ඉන්දියානු සුපිරිම සුපිරි නළුවෙක් ඉන්න චිත්‍රපටයක්. හැබැයි මෙයාගේ චිත්‍රපටි බලන්නේ නැහැයි කියල ප්‍රථිපත්තියෙන් ඉන්න අයත් ඉන්නවා. ඔන්න ඊයේ රෑ තමයි ඔය ෆිල්ම් එකේ හොඳ කොපියක් ආවේ. ෆිල්ම් එක රිලීස් වෙලා මාසයක්වත් නැතුව ඇති, නොසිතු වෙලාවට නොසිතූ විදියට ෆිල්ම් එක ආපුවාම කර කියාගන්න දෙයක් නෑ, ඒ වෙලාවේ තමයි නයි මල්ලිව මතක් වුනේ, නයා මල්ලෙන් එලියට අරන් උඹ භාගයයි මම භාගයයි කරමු කිව්වා, නයි මල්ලි එක පයින් කැමති වුන නිසා තමයි මෙච්චර ඉක්මනින් දෙන්න පුළුවන් වුනේ. තව දෙයක් අපේ වේබ් අඩ විය වැටිලා තියෙන කාලේ අපි ෆිල්ම් දෙන එක නැවැත්තුවා, ඒත් ඒ වෙලාවේ Kodi (2016) ෆිල්ම් එක ඇවිල්ලා සබ් එක දුන්නා මතක ඇති ඒ ඔයාලා වෙනුවෙන්, ඒ සබ් එක අරගන්න බැරුව ගොඩ දෙනෙක් මුහුණ පොතට මැසේජ්කලා මේල් දැම්මා, කමෙන්ට් කලා. මම හිතන විදියට කමෙන්ට් 250+ පමණ සංඛයාවක් තිබ්බා, වෙන දවසට කමෙන්ට් 30ක් 40ක් වත් නැති තරම්, හැමෝටම උවමනා වුනොත් විතරයි කමෙන්ට් කරන්නේ නැතිනම් ආවා, ඩවුන්ලෝඩ් බටන් එක ක්ලික් කලා සබ් එක ගත්තා යන්න ගියා, එහෙම කරන්න එපා අපිට තියෙන එකම වාසිය තමයි ඔයාලා දාන කමෙන්ට් වලින් ලැබෙන සතුට, මට මතක විදියට මුහුණ පොතෙන් සබ් එක යවන්න ඇති 500 විතර, ඔය අතරේ හිටියා අයියේ සබ් එක ඉන්බොක්ස් කරන්නකෝ කියලා මැසේජ් 3ක් 4ක් විතර එවපු අය ඉතින් සබ් එක යවපුවාම මොකුත් නොකියා යන්න ගිහින්. එහෙම අය ඉද්දී කමෙන්ට් නොවැටෙන එක සාදාරණයි. කමක් නෑ කමෙන්ට් දැම්මත් නොදැම්මත් වෙලාවට උපසිරැසි ලැබිලා ඇති. (මේක කිව්වේ හැමෝටම නෙමේ වදිනක අයට වදින්න, දැන් තමන් දන්නවා මම කොහොම කෙනෙක්ද කියලා)

එහෙමයි එහෙමයි මාමි! එක පයින් නෙමෙයි පයින් දෙකෙන්ම කැමති වෙනව :D හරි හරි දැන් බලනව ඇති කවුද මේ කියල. මේ මන් අනී රාජ්. ඔන්න උදෙන්ම කෝල් එකක් ආව. බැලින්නම් අපේ සදුන් මාමි තමයි ඒක අරගෙන තියෙන්නෙ. ඊට පස්සෙ මාමි මට කිව්ව නයා බයිරවා ඇවිදින් කරමුද කියල, අර කිව්වත් වගේ එකෙන්ම කැමති වෙලා වැඩේට අත ගැහුව. ඕන් කොහොම හරි මැච් එකක් ගහල දවසක් වගේ ඇතුලත අපි දෙන්නට මේ උපසිරැසිය කරල ඉවර කරන්න පුලුවන් වුණා. වැඩේ කියන්නෙ මේ ෆිල්ම් එක පැය දෙකයි (2) විනාඩි හතළිස් පහක (45) ෆිල්ම් එකක්. [පට්ට දිගයි ඕයී] :D හැබැයි වැඩේ අත ඇරියෙ නම් නෑ ඕන් දුන්න උපසිරැසිය. ඉතින් තවත් දෙයක් ඔයාලට කියන්න ඕනි, ඒ තමයි මේ බයිරවා ෆිල්ම් එකට කිසිම ඉංග්‍රීසි උපසිරැසියක් ආවෙ නෑ. ඉතින් අපි දෙන්නට සිද්ද වුණේ කාල රාමු හදාගෙන අසා ලිවීමක් කරන්නයි. දන්නවනෙ කවුරු කොහොම කෑ ගැහුවත් කාටත් කලින් ලස්සනට වැඩේ කරන්නෙ අපි කියල :D ඕන් එහෙනම් ඔප්පු කළා ඈ.... හරි හරි එහෙනම් ෆිල්ම් එකේ විස්තර ටිකක් මම ඔයාලට කියන්නම්, ආ ඒක නෙමෙයි මේ විස්තර ටික හොයල දුන්නෙ අපේ සිසිල සහෝදරය. ස්තූතී අයියේ!

දකුණු ඉන්දීය චිත්‍රපට ක්ෂේත්‍රයේ සුපිරි තරුව Vijay, 2016 වර්ෂයේ අප්‍රේල් මාසයේදී අවසාන වතාව තිරගතවූ Theri චිත්‍රපටයෙන් පසුව, සුවහසක් ප්‍රේක්ෂක ජනී ජනයාගේ සිත් සතන් අමන්දානන්දයට පත්කරමින්, 2017 වර්ෂයේ ආරම්භයම සිය ග්‍රහණයට ගනිමින්, රංගනයෙන් දායකවන නවතම චිත්‍රපටය තමයි Bairavaa. Action කාණ්ඩය නියෝජනය කරමින්, 2017 ජනවාරි 12 වෙනි දින තිරගතවීම ආරම්භ කරන ලද මෙම දමිළ සලරුව, ලොව පුරා සිටින්නාවූ දමිළ චිත්‍රපට රසික රසිකාවියන් වැළඳගත්තේ උන්මාදයක් ආකාරයටයි. මේ උන්මාදය කෙතරම් දරුණුද කියනවා නම්, තිරගතවීම ආරම්භවී දින 22ක් පසුවන විට ඉන්දියානු රුපියල් කෝටි 110 ක අති දැවැන්ත බොක්ස් ඔෆිස් ආදායම් වාර්තාවක් තැබීමට පවා මෙම චිත්‍රපටය සමත්කම් දැක්වූවා. එමෙන්ම, IMBD දර්ශකයේ 7.3 ක් වැනි ඉහළම ප්‍රේක්ෂක ප්‍රතිචාරයක් දිනාගැනීමටද මෙම සළරුව සමත්කම් දැක්වූවා.

චිත්‍රපටය තුල ප්‍රධාන නිළියගේ භූමිකාවට පණ පොවනු ලබන්නේ නුහුරු නුපුරුදු කෙනෙක් නම් නොවෙයි. Remo(2016), Thodari(2016), Rajini Murugan(2016), Nenu Sailaja(2016), Idhu Enna Maayam(2015) ආදී චිත්‍රපට රාශියකින් ප්‍රේක්ෂක සිත් සතන් මන්මත් කරන ලද Keerthy Suresh විසින් සමස්ත චිත්‍රපටයම ආලෝකමත් කරන අතරවාරයේ, සෙසු චරිතයන් සඳහා Jagapati Babu, Daniel Balaji, Thambi Ramaiah සහ Sathish යනාදී වත්මන් දමිල සිනමාවේ දැවැන්ත චරිත කිහිපයක් සහභාගී වනවා.

චිත්‍රපටය අධ්‍යක්ෂණය කරනු ලබන්නෙ, 2007 වර්ෂයේදී Vijay විසින්ම රංගනයෙන් දායක වන ලද, Azhagiya Tamil Magan චිත්‍රපටය තුලින් අධ්‍යක්ෂණ ක්ෂේත්‍රයට පා තබන ලද Bharathan විසිනි. එමෙන්ම 2014 වර්ෂයේදී නිකුත්වූ Veeram චිත්‍රපටය රචනා කරන ලද්දේ ඔහු විසිනි. එමෙන්ම මෙම චිත්‍රපටය රචනා කරන ලද්දේද මොහු විසින් වීම විශේෂත්වයක් වනවා.

සංගීත අධ්‍යක්ෂනය...වත්මන් ඉන්දීය චිත්‍රපට ක්ෂේත්‍රයේ සිටින අති දක්ෂතම චිත්‍රපට සංගීත අධ්‍යක්ෂකවරෙයෙකු වන Santhosh Narayanan ගේ සුමියුරු නාද රටාවන්ගෙන් සමස්ත චිත්‍රපටයම ඒකාලෝක වන අතරතුරෙහි, එම නාද රටාවන් හට පණ පොවනු ලබන්නෙ, Haricharan, Benny Dayal, Priyadarshini, Darshana KT, Arunraja Kamaraj, Ananthu යන ගායක ගායිකාවන් විසිනි.

හරි එහෙනම් ඒ විස්තර ටිකත් එක්ක මම දැන් කියන්නම් කතාවෙ මොකද වෙන්නෙ කියල. හැබැයි හැමදාම වගේ පොඩ්ඩයි ඈ. අපේ විජේ කියන්නෙ බැංකුවක සල්ලි එකතු කරන නියෝජිතයෙක්. මෙයාගෙ තියෙන් විශේෂත්වය තමයි මෙයා සල්ලි එකතු කරන්න් යන්නෙ එසේ මෙසේ අය ලගට නෙමෙයි. ඔය වංචාකරන ලොකු ලොකු මැරයො ගාවට තමයි මෙයා සල්ලි එකතු කරන්න යන්නෙ. ඉතින් ඔහොම දවසක් ඉන්නකොට එයාගෙ බොස්ගෙ දුවගෙ විවාහ උත්සවයට එයාට ඇරයුම් පතක් හම්බෙනවා. ඒ අතර වාරයේදී ඒ විවාහයට එන බොස්ගෙ දුවගෙ යාළුවෙකුට කරදරයක් සිද්ද වෙනවා. ඉතින් බොස් අපේ විජේට කතා කරල විස්තරේ කියල එයාව ඒ මැරයන්ගෙන් බේරගෙන එක්කන් එන්න කියල කියනව. ඔන්න දැන් තමයි අපේ ප්‍රධාන නිළිය වන කීර්ති සුරේෂ්ව අපේ විජේ දකින්න, ඉතින් අපේ විජේට කීරිති සුරේෂ් ගැන ආදරයක් ඇති වෙනවා. විවාහය ඉවර වෙලා එයාට අදරේ ප්‍රකාශ කරන්න යනකොට කීර්තිට ලොකූ ප්‍රශ්නයක් සිද්ද වෙනවා. විජේ ඒකට මැදිහත් වෙලා කීර්තිව බේරගත්තත් එයා කොහොමත් මැරෙන්නයි ඉන්නෙ කියල විජේට කියනව. මොකද්ද මේ ප්‍රශ්නෙ? විජේ මැදිහත් වුණේ මොන වගේ ප්‍රශ්නයකටද?

ඔන්න් පැය දෙකකටත් පුරාවට බලන්න තියෙන්නෙ විජේ කොහොමද එයාගෙ කෑල්ලව මේකෙන් බේරගන්නෙ කියල. ඒ විතරක් නෙමෙයි සමාජෙට ලොකූ පණිවිඩයකුත් දෙනවා. ඒ වගේම කියන්න ඕනි මම දන්නව ඔයා සිංහල උපසිරැසි කරන්න ගොඩක් කැමති ඇති කියල. ඉතින් ඒ කොහොමද කියල දැනගන්න ආස අයට පුලුවනි මෙතනින් ගිහින් ඒ ගැන සිංහලෙන්ම දැනගන්න. ඒ විතරක් නෙමෙයි අලුත් චිත්‍රපටවල තොරතුරුත් ඔයාට බලාගන්න පුලුවන්. කැමති නම් සබ්ස්ක්‍රයිබ් කරල සප් එකක් දෙන්න. ඔන්න එහෙනම් මායි සදුන් මාමියි ලස්සන උපසිරැසියක් තමයි මේ අරන් ආවෙ. ඉතින් හැමෝටම ආරාධනා කරනවා බලන්න කියල. එහෙනම් අපි ගියා, ජය වේවා!

Sunday, January 29, 2017

Saithan (2016) තව කී දෙනෙක්ව බිලි ගන්න බලන් ඉන්නවද? [සිංහල උපසිරසි සමඟ]

4:33:00 AM දමිල ගීත සිංහල උපසිරැසි සමග, සිංහල උපසිරැසි,

ඔන්න එහෙනම් තවත් සුපිරි ෆිල්ම් එහෙකට සිංහල උපසිරැසියක් තමයි මේ උස්සන් ආවෙ ඕන්. ඔන්න ඉතින් වෙනද වගේම උදේන්ම මැසේජ් එකක් දාල තිබුන අපේ සදුන් මාමි ෆිල්ම් එකේ හොද කොපියක් ඇවිල්ල කියල. ඒ විසි තුන් වෙනිද උදේ [23]. අඩේ අෆ්ෆේ එදා මන් මෙත් සිතින්, කරුණාවෙන් සිරිපාදය වන්දනාමා කරන්න යාළුවො එක්ක කෝච්චියේ යන ගමන් හිටියෙ. ඔය අස්සෙ ඉතින් සබ් එකක් කරන්න පුලුවන් එකක්යෑ. ඔන්න ඉතින් සිරිපාදය වැදල කරල නයා කොල්ලත් පොඩි පිනක් දහමක් රැස් කරගෙන දෙයියනේ කියල විසි පස් වෙනිද [25] ගෙදරට ආව. :D ඔන්න ඊලඟ ප්‍රශ්නෙ කකුල් රිදෙනව නිකං සටන්, පටන් ගාල. :( ඔය අස්සෙ තව වැඩ වලටත් හීර වුණා. කොහොම හරි මැච් එකක් ගහල සබ් එක පුලුවන් ඉක්මනින් කරල ඉවර කළා. ඉතින් ෆිල්ම් එකට ඉංග්‍රීසි උපසිරැසියක්වත් නැති නිසා මට සිද්ද වුණා කාල රාමු හදාගෙන අසා - ලිවීමක් කරන්න. හරි හරි මන් එහෙනම් ෆිල්ම් එකේ විස්තර ටිකක් කියන්නම්.

ඉතින් තමන්ගේ පළවෙනි කුළුඳුල් චිත්‍රපටය වන මේ සෙයිතාන් චිත්‍රපටයේ අධ්‍යක්ෂකවරයා තමයි Pradeep Krishnamoorthy. මේ තමයි එයා අධ්‍යක්ෂණය කරපු ප්‍රථම චිත්‍රපටය. සෙයිතාන් චිත්‍රපටයේ කතාව දෙදෙනෙක් ලියල තියෙනවා. ඒ Joe D. Cruz සහ Karthik Krishna විසින්. ඉතින් මෙයාල කියන විදියට මේ කතාව පොතකින් ගත්තු කතාවක්. ඒ පොතේ නම තමයි "Ahh". දැන් බලමු කවුද මේකෙ රංගනයෙන් දායක් වෙන්නෙ කියල. හැමෝම දන්නව වගේ ප්‍රධාන චරිතය රගපාන්නෙ අපි කවුරුත් හොදින් දන්න Vijay Antony. ඒවගේම ප්‍රධාන චරිතය රගපාන්නෙ නම් පොඩ්ඩක් ඔයාලට නොපුරුදු නුහුරුදු නිළියක් ඒ Arundathi Nair. හරි එහෙනම් කතාව පෝඩ්ඩක් කියන්නම්.

අපේ විජේ ඇන්තනී ඒ කියන්නෙ දිනේෂ් ගොඩක් දක්ෂ මෘදුකාංග ඉංජිනේරු වරයෙක්. ඉතින් මෙයාට මේ කරන්න බැරි වැඩක් නෑ. එයාගෙ ඔෆිස් එකේ මොකක් හරි පරිගනක දෝෂයක් ආවොත් මෙයා තමයි ඒව හදල දෙන්නෙ ටක් ටක් ගාල. ඉතින් ඔහොම ජීවිතය ගත කරන දිනේෂ්ට ඔන්ලයින් වෙබ් සයිට් එහෙකින් ඇරයුමක් එනව අපේ අරුන්දතීගෙන් ඒ කියන්නෙ අයිෂ්වර්‍යාගෙන්. [එයා නෙමෙයි ඈ. :D ] ඉතින් අපේ දිනේෂ් ඒකට කැමති වෙලා දෙන්නම විවාහ වෙලා ජීවිතේ ගත කරන් යනකොට, එක දවසක් දිනේෂ්ට ඇහෙන්න පටන් ගන්නව එකේක කට හඩවල් ටිකක්. ඉතින් මේ කට හඩවල් ඇහෙන්නෙ දිනේෂ්ට විතරයි, අනිත් අයට ඇහෙන්නෙ නෑ. ඉතින් ඒ හඩින් කතා කරන කෙනා කියන්නෙ දිනේෂ්ට මැරෙන්න කියල. අනිත් අය හිතන්නෙ දිනේෂ්ට පිස්සු කියල, ඔය අතරින් පතරින් දිනේෂ්ට තව නමක් ඇහෙන්න පටන් ගන්නව. ඒ ජයලක්ෂිමී කියල. ඔන්න දැන් කතාව පටන් ගන්නව කවුද මේ ජයලක්ෂිමී? මේ ඇහෙන කට හඩවල් මොනාද? දිනේෂ්ට මොකද වෙන්නෙ? පැය දෙකක් පුරා දිග ඇරෙන මේ ප්‍රශ්න සියල්ලටම උත්තරේ තියෙන්නෙ චිත්‍රපටේ ඇතුලෙම තමයි. ඉතින් ආරාධානා කරනව ඔයාල හැමෝටම බලන්න. :)

ඕන් එහෙනම් තවත් උපසිරැසියකින් පස්සෙ හමුවෙමු ඈ.. පට්ට නිදි මතයි ඈ.. ඔය කොමෙන්ට් කරන, මැසේජ් කරන හැමෝටම ස්තූති ඈ.. ආ ඒක නෙමෙයි ඔයාල ගොඩ දෙනෙක් ආස ඇතිනෙ සිංහල උපසිරැසියක් එහෙම කරන්න. ඒ වුනත් දන්නෙ නෑ නේද කරන්නෙ කොහොමද කියල? ඔන්න අපි දැන් සිංහලෙන්ම කියල දෙනව මුල ඉදන්ම කොහොමද සිංහල උපසිරැසියක් හරියට කරන්නෙ කියල. කැමතී නම් මෙතනින් ගිහින් ඒ ගැන ඉගෙන ගන්න පුලුවන්. පුලුවන් නම් සබ්ස්ක්‍රයිබ් පාරක් දාල උදව්වක් කරන්න ඈ.. ඕන් ගියා.. ආයෙත් මේ වගේ ලස්සන සලරුවකින් ඉක්මනින්ම හමුවෙමු. ජය වේවා, බුදු සරණයි! දෙවි පිහිටයි!

Tuesday, January 17, 2017

Bairavaa Review By Sl Raj - Vijay, Keerthy Suresh,Daniel [සිංහලෙන්ම හොරතුරු.]

11:41:00 PM චිත්‍රපට ගැන,

It is an action-thriller, which revolves around an ordinary man who takes up his girlfriend's fight for the justice against unscrupulous, depraved man who had created a Multi Million Dollar business by deceiving ambitious Medical students and their parents

Produced by : B. Bharathi Reddy

Written by : Bharathan

Starring : Vijay, Keerthy Suresh, Jagapathi Babu, Daniel Balaji,Thambi Ramaiah, Sathish

Music by Santhosh Narayanan

Cinematography : M. Sukumar

Edited by Praveen K. L.

Production company : Vijaya Productions

Release date : 12 January 2017

Country : India

Language : Tamil

Continue Reading

Friday, January 13, 2017

Miruthan Review By Sl Raj - Jayam Ravi, Lakshmi Menon [සිංහලෙන්ම හොරතුරු.]

4:36:00 AM වෙනත් සිදු වීම්,

Despite qualifying for armed force, Karthik ('Jayam ' Ravi) prefers to be a traffic cop in Ooty as he believes that such a no risky job would help him get enough time to look after his cute little sister Vidhya (Baby Anikha). Karthik also has a short lived one side love story with Renu (Lakshmi Menon), who is a doctor. When a hazardous chemical in the nearby industry gets leaked, a dog consumes it and turns into a zombie. As the dog bites a watchman, he too becomes a zombie and eventually, the virus spreads rapidly across the town. Can Karthik save his sister and the city ?

Directed by : Shakti Soundar Rajan

Produced by : S. Michael Rayappan

Written by : Shakti Soundar Rajan

Starring : Jayam Ravi, Lakshmi Menon

Music by D. Imman

Cinematography : S. Venkatesh

Edited by K. J. Venkat Ramanan

Production company : Global Infotainment

Release date : 19 February 2016

Running time : 105 minutes[1]

Country : India

Language : Tamil